კრების პირველ დღეს უარყოფილი იქნა საბერძნეთის ეკლესიის მხრიდან შემოთავაზებლი ცვლილებები
„წმინდა და დიდი კრების“ საღამოს სხდომის მსვლელობისას მძიმე დაპირისპირებას ჰქონდა ადგილი. კრებამ მუშაობა დღეს დაიწყო, ორშაბათს, 20 ივნისს, კრეტის კოლიმბარში, მართლმადიდებელი აკადემიის შენობაში. სხდომის მიმდინარეობისას, მის მაღალყოვლადუსამღვდელოესობას ნავპაკტის მიტროპოლიტ მეუფე იეროთეოსს ვლახოსს, მწვავე უთანხმოება მოუვიდა მსოფლიოს საპატრიარქოს, პერგამოს მიტროპოლიტათ, მეუფე იოანე ზიზულასთან. საუბარი შეეხებოდა, საბერძნეთის ეკლესიის მხრიდან, დოკუმენტში ცვლილებების შეტანას.
„აუკუღმართებთ საეკლესიო ღვთისმეტყველებას!“, – განაცხადა ნავპაკტის მიტროპოლიტმა მეუფე იეროთეოსს ვლახოსმა, პერგამოს მიტროპოლიტ, მეუფე იოანე ზიზულასის მისამართით, რომელიც საპასუხოდ თავშეკავებულობით გამოეხმაურა…
აღსანიშნავია, რომ კონფლიქტის ჩასაქრობად მეხანძრეობა, მსოფლიო პატრიარქმა, კონსტანტინეპოლისა და ახალი რომის მთავარეპისკოპოსმა, მეუფე ბართლომემ იტვირთა, რომელმაც მოკამათე მხარეების თეოლოგიურ განსწავლულობაზე გადაიტანა ყურადღება და ორივეს ცოდნა შეაქო. ნიშანდობლივი მომენტი იყო პერისტერის მიტროპოლიტ მეუფე ხრიზოსტომოსის (საბერძნეთის ეკლესიის წარმომადგენლობის წევრი. მთარგმნ.) ჩართვა, რადგან მან მხარი არ დაუჭირა შენიშვნებს და საბერძნეთის ეკლესის მიერ შეთავაზებულ ცვლილებების შეტანას არ დაეთანხმა.
საბერძნეთის ეკლესია ცვლილებებს შეტანას ითხოვდა პირველ დოკუმენტში: „მართლმადიდებელი ეკლესიის მისია თანამედროვე მსოფლიოში“. საბოლოოდ, „წმინდა და დიდი კრების“ პლენარულმა სხდომამ უარყო შეთავაზებები და ოქმში ცვლილები არ შეიტანა. დისპუტს წერტილი დაუსვა, ალექსანდრიის პაპმა და პატრიარქმა, რომლითაც დაამტკიცა, კიდეც, მისი, როგორც მსოფლიოს მსაჯულის ტიტულ-ღირსების მართებულობა, რომელმაც აღნიშნა: „წმინდა და დიდი კრების“ მონაწილეები არ არიან სტუდენტები, ახლა რომ ვასწავლით ერთმანეთს ღვთისმეტყველებას?! ახლა ამის დრო არაა, რადან იმისათვის ვართ შეკრებილები, რომ საჭიროება მოითხოვს არსებული მწვავე სოციალური საკითხები გადავჭრათ“. ბოლოს, ასევე, ისიც უნდა აღინიშნოს, რომ ალექსანდრიის პაპისა და პატრიარქის, თეოდორე II ჩარევასა და შენიშვნას, კრების დელეგატები, ხანგძლივი და მქუხარე ტაშით შეხვდნენ.
*საბერძნეთის ეკლესიის, ქრისტიანების მისამართით გაკეთებული განცხადების ამონარიდი, რომელიც ეხება ტექსტებში შესწორებების შეტანას.
„საბერძნეთის ეკლესიის იერარქიამ: წინასწარმეტყველთა, მოციქულთა და მამათა სწავლებისადმი აბსოლუტური რწმენითა და მართლმადიდებელი ეკლესიის კრებსითი მმართველობის წესის პატივისცემით, დეტალურად შეისწავლა მუდმივმოქმედი სინოდის წინადადებები და თითო–თითოდ – ერთსულოვნად, პასუხისმგებლობითა და სერიოზულობით, უმეტეს შენიშვნებთან მიმართებაში ერთხმად, ხოლო სხვა შემთხვევაში ხმათა აბსოლუტური უმრავლესობით, შეასწორა განსახილველი ტექსტები და სადაც საჭიროებდა – გააკეთა კიდეც ჩამატებები. ასე რომ, ესაა ტექსტებთან დაკავშირებული, ჩვენი ეკლესიის საბოლოო გადაწყვეტილება. ეს შესწორებები და ცვლილებები რომლებიც არსებითია და თანხმობაშია ეკლესიის ხანგრძლივ გამოცდილებასა და გარდამოცემასთან, წარედგინება კრეტის, „წმინდა და დიდი კრების“ საერთომართლმადიდებლურ სამდივნოს და ის მხარდაჭერილი იქნება, მისი უნეტარესობის, ათენისა და სრულიად საბერძნეთის მთავარეპისკოპოსის, მეუფე იერონიმესაგან, რათა გაუმჯობესდეს ადგილობრივი მართლმადიდებელი ეკლესიების პირველმესაყდრეთა მიერ, უკვე დამუშავებული ოქმები და ამგვარად, თანამედროვე მსოფლიოს მიეცეს, მთელ საეკლესიო გარდამოცემასთან კორდინირებული, საეკლესიო რწმენისა და ერთობის კარგი მოწმობა“.
თარგმნა მღვდელმონაზონმა მიქაელ ბრეგვაძემ
წყარო: romfea.gr